尋日同朋友去downtown食野, 因為買左巴士月票, 我同佢地講話會搭巴士去搵佢地, 佢地笑我傻, 搵苦黎辛, 呵呵.  搭巴士都唔錯呀, 雖然要好多時間去等車同轉車, 不過唔洗出錢買油, 又唔洗煩塞車, 仲可以睇書, 都唔知幾好, 可惜住得離市中心遠, 要靠巴士就真係唔得啦.

係巴士上面有個鬼佬同佢個fd講佢既紋身, 係兩個中文字, 佢解比佢個朋友聽係fury death, 點知我一睇不禁失笑, 好彩冇笑出聲, 唔係比人打都似.  佢個紋身居然寫左"怒死" 兩個字, 呵呵~~~ e+諗起都好笑.

實在太忙啦, 冇時間打日記, 不過呢個唔係藉口.  阿哥仲有2個月搬去加州啦, 佢黎探左我幾日, 但係冇做到d咩啦, 佢一日都好咁, 我都唔係好想煩佢, 加上阿嫂又得人驚, 唔敢惹佢.

功課好忙呀, 不過終於都算追得上果d以前讀過accounting既人.  以前d人唔睬我, e+做lab時人人都爭住坐我隔離抄我既野, 真係orz.

呵呵, 終於返學, d同學好細呀, 仲有好多女仔呀, 呵呵~~~ 以前讀engineering, 班上極少女仔, e+有成一半係女仔, 呵呵, 唔會好似以前咁孤苦啦, 呵呵~~~

d 野唔算好深, 不過一個semester既書要係5.5個星期教完, 功課一定會好緊, 冇法啦.  一定要勤力d啦, 多d做功課啦.

呵呵, 公眾假期, 特別多人同我去玩.  星期六同朋友去左一個wine tasting, 有d幾好, 不過有幾隻好難飲, 呵呵~~ 不過我都唔鐘意飲merlot, 但朋友叫我一定要試, 試完我只得講句, 我真係唔鐘意飲merlot, 呵呵~~ 試咁多隻之中, 最特別都係一隻希臘既白酒, 2004 Moschofilero Boutari.  好light, 好dry, 不過有鮮花同生果既香味, 加上係底酒精, 得11% 酒精ja, 飲多d都唔會醉啦, 呵呵~~

今年唔知點解d人咁鐘意飲syrah, 不過真係好既syrah又幾多架, 可惜淨飲syrah唔係好夠味, 一定要d有濃郁味道既食物一齊先可以發揮出佢既香味.

最後, 我都係買左支我最鐘意既2002 Louis LaTour Chardonnay, 呵呵, $10左右, 實在係超值!

星期日去左睇XMen III: The Last Stand. 好多人都唔鐘意, 特別係d critics, 不過我覺得幾好睇呀, 故事內容都唔錯啦.

呵呵~~~ 跟住又去左踩單車, 曬到黑哂, 呵呵~~~ 下次要買高d spf既太陽油先得啦, 唔係真係太黑會冇人要, 呵呵~~~

尋晚朋友話有個正餐廳有特價, 咁又比佢拉左去食野, 呵呵~~~ 其實我咁鐘意食野, 唔拉我我都會去啦.  原來果度d wine 半價, 咁我叫左海鮮意粉, 所以就叫個白酒飲啦, 叫左個意大利既Bertani Due Uve, 係意大利文, 意思係2隻葡萄咁解, 50% Pinot Grigio, 50% Sauvignon Blanc.  味好清, 好香既梨子味, 唔係太酸, 有d餘香, 除左好似有少少太淡之外, 都唔錯架.

呵呵~~ 我好似飲左好多, 其實我平時唔係飲咁多架. 不過好鐘意食野同試新野, 呵呵~~ weekend 完左, 繼續減肥!